കുരുമുളകു നന്നേചേർത്ത്
പാറുവമ്മയരച്ചു വച്ച
കറിക്കൂട്ടിനെ
വലംകണ്ണാൽ നോക്കി-
യൂറിച്ചിരിച്ചും
മീൻകാരൻ റാവുത്തരുടെ
ബെല്ലടി കേൾക്കാഞ്ഞ്
ക്ഷമപ്പൂട്ടു പൊട്ടിപ്പോയ
ചക്കിയമ്മയെ
ഇടംകണ്ണാലുഴിഞ്ഞ്
പരിഹസിച്ചും
നീലജലാശയത്തിന്റെ
സ്ഫടിക സുരക്ഷിതത്ത്വത്തിലാകെ-
യഭിരമിച്ചും പുളഞ്ഞും
നീന്തിത്തുടിച്ചു നില്ക്കുന്നുണ്ട്
ഉണ്ണിക്കുട്ടന്റെ
സ്വർണമത്സ്യപ്പെണ്ണ്‌ !
3 comments:
തകർത്ത്..
ബന്ധുരക്കാഞ്ചനക്കൂട്ടിലാണെങ്കിലും ബന്ധനം ബന്ധനം തന്നെയാണേ.. ;) എന്നിരുന്നാലും ഈ ഗോൾഡ്ഫിഷിന്റെ ചിരിക്ക് ന്യായമുണ്ട് :)
ഉണ്ണികുട്ടന്റെ സ്വര്‍ണ്ണമത്സ്യപ്പെണ്ണിനെ കാത്തുകൊള്ളണേ,,ഊണിനുചേരാത്ത ഉടല് നല്‍കിയ തമ്പുരാനേ
ഉണ്ണിക്കുട്ടന്റെ സ്വർണ്ണവർണ്ണമത്സ്യത്തിനു വരദാനമായി കിട്ടിയത് ഭാഗ്യം ചെയ്ത ഉടൽ തന്നെ, ആരും കറിവെക്കില്ലല്ലോ!
Post a Comment