Saturday, November 16, 2013

അമീബയുടെ വീട്




അമീബയെക്കുറിച്ച്
പഠനം നടത്തുന്നൊരുവനോട്
അതുചോദിച്ചു.

ഉണ്ണാനുമുറങ്ങാനും
ഉമ്മവച്ചു പടരാനും
ആനയിച്ചിരുത്താനും
അസ്തമയം നിറയ്ക്കാനും
സദിരേറ്റു നനയാനും
വേകാനും
പകുക്കാനും
ഒരുങ്ങാനും
മിനുങ്ങാനും
വഴിക്കണ്ണു നിരത്താനും
പ്രാർത്ഥിച്ചു തുളുമ്പാനും
‘എന്തശാന്ത’ മെന്നൊടുക്കം
ഇറുക്കിയടയ്ക്കാനും

വെവ്വേറെ മുറികളുള്ള
നിനക്ക്
എന്നിലെന്തുകാണാൻ കഴിയും ?

എനിക്കാകെയുള്ളത്
ഉണ്മയുടെ ഒറ്റമുറി !


(അമീബ- ഏകകോശജീവി)

5 comments:

ajith said...

ഉണ്മയുടെ ഒറ്റമുറി

ബൈജു മണിയങ്കാല said...

ഏക കോശ ജീവി പക്ഷെ കോശങ്ങൾ വലുതാണ് ഒരു ഹൃദയത്തോളം
നല്ല ആശയം

Anu Raj said...

Oru koshathilumundathre anavadhi janithaka ghadakangal....

Vinodkumar Thallasseri said...

എനിക്കാകെയുള്ളത്
ഉണ്മയുടെ ഒറ്റമുറി !

good

സൗഗന്ധികം said...

പരിണാമഗതിയിൽ ഉണ്മ നഷ്ടപ്പെട്ടേക്കാൻ ഇടയുള്ള ഒറ്റ മുറി.

നല്ല കവിത

സന്തോഷവും,സമാധാനവും നിറഞ്ഞ ക്രിസ്തുമസ്സും,പുതുവത്സരവും നേരുന്നു.


ശുഭാശംസകൾ....