Monday, December 30, 2013

ഇപ്പോൾ പിറന്നുവീണവർ





ഏറെക്കാലമായുള്ളൊരാഗ്രഹമാണ്,
ഒന്നിച്ചിരിക്കുന്നൊരു ഫോട്ടോ.

തനിക്കറുപ്പിലും
വെളുപ്പിലും വിടർന്ന്
ഓർമ്മകൊണ്ടു ചില്ലിട്ടത്.

പട്ടണത്തിലെ സ്റ്റുഡിയോയിൽ
മുട്ടിയുരുമ്മിയിരുന്ന്
ലെൻസിലേക്കുറ്റു നോക്കുമ്പോൾ

‘ചിരിയെങ്ങുപോയെ’ന്നു
ചിത്രമെടുക്കുന്നവന്റെ ചോദ്യം.

അപ്പോഴാണ്
നമ്മളുമതോർക്കുന്നത്.

ചിരിയെവിടെപ്പോയിരിക്കും ?

വീട്ടിലുമ്മറപ്പടിയിലോ
ബസ്സകത്തോ
അറിയാതെവച്ചുമറന്നതാകാം.

അതല്ല,
യാത്രയ്ക്കിടയിലാരാനും
കൈസഞ്ചി കുത്തിക്കവർന്നിരിക്കാം.

സന്ദേഹമിങ്ങനെ
കൊട്ടിക്കയറുമ്പോൾ
ഫ്ലാഷിൻ ക്ഷണപ്രഭ !
സഹസ്രകിരണന്മാരൊന്നിച്ചുണരുന്ന
ജ്ഞാനോദയത്തിൽ
പിറക്കുന്ന നമ്മൾ !!

3 comments:

Anu Raj said...

ചുമ്മാതങ്ങിരുന്നു കൊടുക്കുക അത്ര തന്നെ....

സൗഗന്ധികം said...

KEEP A SMILE PLEASE.. THAT WILL PLEASE OTHERS ALSO..

ഭാനു കളരിക്കല്‍ said...

ഇപ്പോൾ ഞാനും ഒന്നു ചിരിച്ചു.