നിന്റെ കത്തുകൾ
വസന്തകാലത്തു വന്നവ...
പൂത്തുലഞ്ഞ രാജമല്ലി...
മൃദുലഭാവങ്ങളുടെ ഉമിനീരിൽ
അലിഞ്ഞു പോയ ലിപികൾ
നിന്റെ കത്തുകൾ
വർഷകാലത്തു വന്നവ...
സദാ പെയ്യുന്ന പ്രണയമരം...
സാന്ത്വനത്തിന്റെ കടലേറ്റങ്ങളിൽ
കാണാതാകുന്ന വാക്കുകൾ
ശിശിരത്തിൽ വന്നവയ്ക്കൊക്കെ
കുഞ്ഞിന്റെ മുഖം...
ഒളിഞ്ഞുനോക്കുമൊരോമനത്തിങ്കൾ..
കമ്പിളി നൂൽ പുതച്ച്
അലസഗമനം നടത്തുന്ന നാനാർത്ഥങ്ങൾ
വേനലിൽ അപൂർവമായെത്തിയ കത്തുകൾ
ഹൈകു പോലെ ഹൃദ്യം
നിനക്ക്..
സ്വന്തം...
പിന്നെ പകുതിയെരിഞ്ഞ കൈയൊപ്പും..
No comments:
Post a Comment